Da Schönberger Heimat- und Volkstrachtenverein

De Musi spait zum Tanz heit auf
a jeda g'freit se scho recht drauf
De Dearndln und de Buam in Tracht
se olle auf'n Weg glei g'macht

So stolz sand's in ehram Gwand
weil ma doch treu dem Heimatland
und treu der Sitte und der Tracht
der Tradition die Ehre macht

Ob Oid ob Jung a jeda kimmt
und musiziert und tanzt und singt
a große Familie foid oam do ei
weil so vai Herz is mit dabei

Des ois kann ma nur desweng seng
weil's immer ältere Trachtler hod geb'm
de "Gott sei Dank" dem junga G'mias
oft song wia's g'heart, wia's früher gwen is

So is a im "moderner Lebm"
ganz fai af Tracht und Tradition zum geb'm
weil's fia's Leb'm ganz wichtig is, 
dass jeda woas wo sei Hoamat is

Und mischt ma dann des "Früher" und de Tradition
mit "Heit" und mancher Neuerung
dann hot ma Hoamat, Stolz und Lebensfreid in oam
und so is aus uns da 

Schönberger Heimat- und Volkstrachtenverein 

woan 

Text: Michaela Schneider

 

zurück